རྒྱལ་སྤྱིའི་བོད་ཀྱི་རིས་མེད་ཆོས་བརྒྱུད་མཐུན་ཚོགས།
རིས་མེད་ཆོས་བརྒྱུད།
Navigation
  • མདུན་ཤོག
  • ལོ་རྒྱུས།
    • བོན་པོ།
    • རྙིང་མ།
    • བཀའ་རྒྱུད།
    • ས་སྐྱ།
    • ཇོ་ནང་།
    • དགེ་ལུགས།
  • བཀའ་ཡིག
  • སློབ་གསོ།
    • བོན་པོ།
    • རྙིང་མ།
    • བཀའ་རྒྱུད།
    • ས་སྐྱ།
    • ཇོ་ནང་།
    • དགེ་ལུགས།
  • བཅར་འདྲི།
    • བོན་པོ།
    • རྙིང་མ།
    • བཀའ་རྒྱུད།
    • ས་སྐྱ།
    • ཇོ་ནང་།
    • དགེ་ལུགས།
  • ཚོགས་འདུ།
  • ཚོགས་མི།
  • འབོལ་རྩོམ།
    • བོན་པོ།
    • རྙིང་མ།
    • བཀའ་རྒྱུད།
    • ས་སྐྱ།
    • ཇོ་ནང་།
    • དགེ་ལུགས།
  • ཐུགས་སྨོན།
    • བོན་པོ།
    • རྙིང་མ།
    • བཀའ་རྒྱུད།
    • ས་སྐྱ།
    • ཇོ་ནང་།
    • དགེ་ལུགས།
  • གསལ་བསྒྲགས།
  • བརྙན་པར།
  • འབྲེལ་གཏུགས།

རིས་མེད་བསྟན་པ་རྒྱས་པའི་སྨོན་ལམ།

ཕྱི་ལོ། 2016 ཟླ། 06 ཚེས། 06 ཉིན། | སྡེ་ཚན།: ཐུགས་སྨོན།, རྙིང་མ། ཐུགས་སྨོན། and tagged with: མཛད་པ་པོ། མཁན་ཆེན་འཇིགས་མེད་ཕུན་ཚོགས་འབྱུང་གནས།

ཐེངས། 2475 བཀླགས་འདུག

གྲངས་མེད་བསྐལ་བ་མང་པོའི་གོང་རོལ་ནས། །
སྙིང་རྗེ་ཐུགས་བསྐྱེད་དྲག་པོ་ཁུར་བཞེས་ཏེ། །
རྩོད་ལྡན་མུན་པའི་ཞིང་འདི་ཡོངས་བཟུང་བ། །
སྟོན་མཆོག་ཐུབ་པའི་དབང་པོ་དགོངས་སུ་གསོལ། ། 

གང་གི་ཐེག་མཆོག་སྙིང་པོའི་རིང་ལུགས་ནི། །
བསིལ་ལྡན་ཁ་བའི་ལྗོངས་འདིར་དར་བ་ལ། །
སྒྲུབ་བརྒྱུད་ཤིང་རྟ་བརྒྱད་ཅེས་ཡོངས་གྲགས་ལས། །
བསྟན་དང་བསྟན་འཛིན་ཕྱོགས་མཐར་རྒྱས་གྱུར་ཅིག །

རྒྱལ་བསྟན་ཕྱི་དང་ནང་རྒྱུད་ཡོ་ག་གསུམ། །
ཁྱད་པར་འོད་གསལ་རྡོ་རྗེ་སྙིང་པོའི་སྲོལ། །
འཛིན་སྐྱོང་སྤེལ་བའི་ལམ་བཟང་ཟླ་མེད་པ། །
མཚོ་སྐྱེས་རྒྱལ་བའི་བསྟན་པ་རྒྱས་གྱུར་ཅིག །

དྲི་མེད་བསླབ་པ་གསུམ་གྱིས་རྒྱུད་བསྡམ་ཤིང་། །
ཐུབ་དབང་སྤྱན་གཟིགས་སྒྲོལ་མ་མི་གཡོ་བ། །
མི་ཕྱེད་གཏན་གྱི་སྐྱབས་སུ་ཉེར་བསྟེན་པའི། །
ཇོ་བོ་བཀའ་གདམས་བསྟན་པ་རྒྱས་གྱུར་ཅིག །

ཁྱད་པར་ཨ་ཏི་ཤ་ཡི་རིང་ལུགས་མཆོག །
བཤད་སྒྲུབ་དྲི་མ་མེད་པས་འཛིན་མཁས་ཤིང་། །
འདུལ་འཛིན་གཙང་མས་ནོར་འཛིན་འགེངས་ནུས་པའི། །
རི་བོ་དགེ་ལྡན་བསྟན་པ་རྒྱས་གྱུར་ཅིག །

འཇམ་དཔལ་ཡེ་ཤེས་སེམས་དཔའི་ཐུགས་རྗེའི་གར། །
གོང་མ་རྣམ་ལྔའི་ཐུགས་དགོངས་སྙིང་པོའི་མཐིལ། །
ཀྱེེ་རྡོར་ལམ་འབྲས་ཉམས་ལེན་གཙོར་བྱེད་པའི། །
དཔལ་ལྡན་ས་སྐྱའི་བསྟན་པ་རྒྱས་གྱུར་ཅིག །

གྲུབ་ཆེན་ནཱ་རོ་པ་དང་མེེ་ཏྲི་བའི། །
བརྒྱུད་པའི་བཀའ་སྲོལ་ཐབས་ལམ་ཆོས་དྲུག་དང་། །
གྲོལ་ལམ་ཕྱག་རྒྱ་ཆེན་པོ་ཉམས་བཞེས་པའི། །
འགྲོ་མགོན་བཀའ་བརྒྱུད་བསྟན་པ་རྒྱས་གྱུར་ཅིག །

གཞན་ཡང་ཞི་བྱེད་ཤངས་པ་ཇོ་ནང་དང་། །
བསྙེན་སྒྲུབ་ལ་སོགས་རིས་སུ་མ་ཆད་པའི། །
རྣམ་དག་རྒྱལ་བའི་བསྟན་པ་ཇི་སྙེད་ཀུན། །
སྲིད་པའི་མཐར་ཡང་ཡོངས་སུ་རྒྱས་གྱུར་ཅིག །

མཆོག་གསུམ་རྩ་གསུམ་སྲུང་མའི་བྱིན་རླབས་དང་། །
ཆོས་ཉིད་རྣམ་དག་ཆོས་ཅན་རྟེན་འབྲེལ་མཐུས། །
བདག་གི་ཡིད་ལ་སྨོན་པའི་རེ་འབྲས་ཀུན། །
མ་ལུས་ཡོངས་སུ་འགྲུབ་པར་མཛད་དུ་གསོལ། །

ཞེས་དམ་པའི་སྐྱེས་ཆེན་སྡེ་དགེ་བཀྲ་ཤིས་རྡོ་རྗེས་བསྐུལ་བ་ལ་རྐྱེན་བྱས་ཏེ་ངག་དབང་བློ་གྲོས་མཚུངས་མེད་པས་སྨྲས་པའོ།།

Tweet