རིས་མེད་ཆོས་བརྒྱུད་རྒྱལ་བསྟན་དཔལ་འབར་མ། 

ཐེངས། 11977 བཀླགས་འདུག

ཕན་བདེ་དགེ་ལེགས་མ་ལུས་འབྱུང་བའི་སྒོ། །
ཕུན་ཚོགས་སྟོབས་བཅུ་ཤཀྱའི་རིང་ལུགས་དང་། །
དྲི་མེད་སྟོན་མཆོག་གཤེན་རབ་མི་བོའི་ལུགས། །
འཛམ་གླིང་ཆོས་བོན་རྒྱལ་བསྟན་འབར་གྱུར་གཅིག ། 

མཚོ་སྐྱེས་རྒྱལ་བ་གཉིས་པའི་བསྟན་པ་དང་། །

བཀའ་གདམས་གསར་མའི་རིང་ལུགས་དྲི་མེད་ཏེ། །

སྣོད་ལྡན་འདུལ་བྱ་ཕྲིན་ལས་ཁྱབ་མཛད་པའི། །

བོད་ཀྱི་ཆོས་བརྒྱུད་རིས་མེད་འབར་གྱུར་གཅིག །

ཡང་ཟབ་བཀའ་གདམས་རིང་ལུགས་ས་དགེ་དང་། །

ཇོ་ནང་ཞི་བྱེད་གཅོད་ཡུལ་བསྙེན་སྒྲུབ་སོགས། །

ལམ་འབྲས་སྦྱོར་དྲུག་མན་ངག་བྱིན་རླབས་ཀྱི། །

ལུགས་བཟང་མཛེས་པའི་རྒྱན་རྣམས་འབར་རྒྱུར་གཅིག །

རྒྱལ་དང་བླ་མ་ཡི་དམ་སྦྱིན་མཐུ་ཡིས། །                                                                                                                                   ཕྱོགས་གཅིག་སྤུངས་པའི་ནམ་མཁའི་སྐར་ཚོགས་ལྟར། །

འཛམ་གླིང་བླ་སྤྲུལ་མཁན་སློབ་གདུང་སྲས་རྣམས། །                                                                                                                    ཁམས་གསུམ་འགྲོ་བའི་དོན་དུ་རྒྱལ་གྱུར་གཅིག །

སྔོན་ནས་བྱང་སེམས་ས་ཐོབ་རྩོད་པའི་དུས། །

འདུལ་བྱ་ཕྱག་གི་ཡལ་གས་ཉེར་འཛིན་པའི། །                                                                                                          ཐུགས་རྗེ་ལྷག་བསམ་དམ་བཅའ་རབ་བརྟན་པའི། །                                                                                                                            རིས་མེད་ཆོས་བརྒྱུད་སྐྱེ་ཆེན་རྒྱལ་གྱུར་གཅིག །