ཚོགས་འདུ་ཐེངས་བཞི་པ།
ཐེངས། 1669 བཀླགས་འདུག
༢༠༡༤ ཚོགས་ཐེངས་བཞི་པའང་ཀ་ལི་ཕོར་ནི་ཡ་བོད་རིགས་སྤྱི་མཐུན་ཚོགས་ཁང་། སྡེ་བཞི་ཕུན་ཚོགས་གླིང་དུ་འཚོགས་སྐབས་སུ། རིས་མེད་ཆོས་བརྒྱུད་ཁག་གི་ཁོངས་ནས་བླ་སྤྲུལ་དགེ་བའི་བཤེས་གཉེན་མང་པོ་ཕེབས་ཏེ། རིས་མེད་ཆོས་བརྒྱུད་ཁག་གི་དབར་ཐུགས་མཐུན་དམ་གཙང་སྔར་ལྷག་ཡོང་ཐབས་དང་། ནུབ་གླིང་ཡུལ་གྲུ་སོགས་སུ་ཆོས་ཁྲིད་བྱེད་སྟངས་སྐོར་སོགས་ལ་ཉམས་མྱོང་བརྗེ་རེས་ཀྱིས་མཚོན་པའི་དོན་ཚན་ཁག་མང་པོར་བགྲོ་གླེང་ལྷུག་པོ་གནང་། སྐབས་དེར་དབུས་རྒྱུན་ལས་གསར་པ་ཞལ་གྲངས་བཅུ་གཉིས་བདམས་ཐོན་བྱུང་བ་རྣམས་ནི། ཚོགས་གཙོ། མཁན་པོ་བྱམས་པ། ༼དཔལ་ལྡན་ས་སྐྱ།༽ ཚོགས་གཞོན། མཁན་པོ་བསམ་འགྲུབ་དང་། ༼འགྲོ་མགོན་བཀའ་བརྒྱུད།༽ རྒྱུན་ལས་ནི། དྲུང་ཡིག མཁན་པོ་རིག་པའི་རྡོ་རྗེ་དང་། བླ་མ་ཀརྨ། ༼ཇོ་ནང་དང་། བཀའ་བརྒྱུད།༽ དངུལ་གཉེར། དགེ་བཤེས་ཡ་མ་རིན་ཆེན་དང་། མཁན་པོ་ཆོས་ཀྱི་རྒྱལ་མཚན། ༼དགེ་ལུགས་དང་། ས་སྐྱ།༽ དྲ་རྒྱའི་ལས་གཉེར་བ། དོལ་པོ་སྤྲུལ་སྐུ་དང་། དགེ་བཤེས་བྱ་འཕུར། ༼རྙིང་མ་དང་། བོན་པོ།༽ དཔལ་འབྱོར་འདུ་འགོད་པ། དགེ་བཤེས་གཡུང་དྲུང་དང་། བླ་མ་ལེགས་བཤད་བཟང་པོ། ༼བོན་པོ་དང་། རྙིང་མ།༽ གསར་འགྱུར་དྲིལ་སྒྲོག་པ། སྤྲུལ་སྐུ་ཆོས་ཉིད་རང་ཤར་དང་། ཐེ་བོ་སྤྲུལ་སྐུ། ༼ཇོ་ནང་དང་། དགེ་ལུགས།༽ བཅས་ཡིན།