ཚོགས་འདུ་ཐེངས་གཉིས་པ།
ཐེངས། 1786 བཀླགས་འདུག
༢༠༡༢ ལོར་ཚོགས་ཐེངས་གཉིས་པ། ཀ་ལི་ཕོར་ནི་ཡ་བོད་རིགས་སྤྱི་མཐུན་ཚོགས་ཁང་། སྡེ་བཞི་ཕུན་ཚོགས་གླིང་དུ་བསྐོང་འཚོགས་གནང་སྐབས་སུ། བོད་ཀྱི་ཆོས་བརྒྱུད་མང་ཆེ་བའི་ངོས་ནས་ཚོགས་ཞུགས་གནད་ཡོད་མི་སྣ་མང་པོ་ཕེབས་ཐུབ་པ་བྱུང་སྟེ། ཉིན་གཉིང་རིང་ཕན་ཚུན་ཐུགས་རྩེ་གཅིག་མཐུན་གྱིས་བགྲོ་གླེང་ལྷུག་པོར་གནང་བ་དང་། སྐབས་དེར་དམངས་གཙོའི་ལམ་ནས་བདམས་ཐོན་བྱུང་བའི་རྒྱུན་ལས་ནི། ཚོགས་གཙོ། དགེ་བཤེས་བསྟན་འཛིན་དབང་རྒྱལ།༼གཡུང་དྲུང་བོན།༽ ཚོགས་གཞོན། མཁན་པོ་བྱམས་པ།༼དཔལ་ལྡན་ས་སྐྱ།༽ དྲུང་ཡིག སྤྲུལ་སྐུ་ཡེ་ཤེས། ༼སྔ་འགྱུར་རྙིང་མ།༽ དངུལ་གཉེར། སྒྲུབ་དཔོན་མགོན་པོ་རྡོ་རྗེ། ༼འགྲོ་མགོན་བཀའ་བརྒྱུད།༽ རྒྱུན་ལས། མཁན་པོ་རིག་པའི་རྡོ་རྗེ་དང་། ༼རྒྱལ་བ་ཇོ་ནང་བ།༽ མཚན་སྒྲོགས་སྤྲུལ་སྐུ་ ༼རི་བོ་དགེ་ལུགས་པ།༽ བཅས་ཡིན་ཞིང་། ཁོང་རྣམ་པས་དབུ་ཁྲིད་པའི་འོག་ཕྱོགས་གང་སར་རིས་མེད་ཀྱི་གོ་རྟོགས་སྤེལ་བ་སོགས་ཡར་རྒྱས་དང་གྲུབ་འབྲས་ཤིན་ཏུ་ཆེན་པོ་བྱུང་བ་བཅས། རྒྱལ་སྤྱིའི་བོད་ཀྱི་རིས་མེད་ཆོས་བརྒྱུད་ལྷན་ཚོགས་དངོས་སུ་དབུ་བརྙེས་པ་ཡིན་ནོ། །